fredag 31. mai 2013

Cyclotourismo Catalonia - del 1

Turen var booka i vinter, med opplegg fra Oliven reiser. Avreisedagen 19. mai kom likevel brått på og litt fortumla skulle vi bygdisane brått navigere frå terminal til terminal og buss, tog og stasjonsbytter i Barcelona. Klokka 23.00 var alle på plass i rett by (Girona), på rett hotell (4 stjerner) og feriekjensla fekk sette seg.


Mujeres de cicloturismo!
Ivrige og forventningsfulle ved start. Henting, bringing og info frå trivelege folk frå http://www.cicloturisme.com/ (som heldigvis snakka veldig bra engelsk)

Første vegkryss. Navigering. Kvar er nord? Kva meiner dei med dette?

I "Utlandet" er til og med vegspeglar kult og eksotisk!
Hola chicas!

Rykk tilbake til middelalderen...

Vi sykla frå middelalderlandsby til middelalderlandsby. Jammen har dei vore flinke til å ta vare på byane sine i Katalonia. Den eine meir sjarmerande enn den andre.

Her hadde det vore Sunnfjordingar før oss...

Med jamne mellomrom stogga vi for påfyll. Kaffi, cava, is, lunsj, osv. Nokre syntes påfyllinga var alt for sjeldan og andre syntes det var alt for ofte, så truleg var det akkurat passeleg.

Etter å ha sykla gjennom ein stor industriby med ca 50 rundkøyringar, og ein time på øydelagt sti i ein tett skog var vi veldig godt nøgde med å komme fram til hotell nummer to, og denne utsikta frå rommet.

Calella de Parafrugell. Hotell med boblebad. Berre sier det.

Dag 2 - pause nr 1. Llafranc

Etter ca 2 km kom vi til ei flott strand i ein sjarmerande fiskarlandsby. Det var sol, varmt, vi var på ferie, og hadde full kontroll på syklar og kart sjølv. Deileg å ta ei lang pause og sole seg AKKURAT når vi vil det sjølv. Konseptet sykkelferie passar meg perfekt!

Valmueenger i fleng. Brelett-sangen på hjernen. Lalallallallalalala osv.

Sykling på "dirt road" mot Pals.
Middelalderbyen Pals låg på ei høgde og vi hadde sykla med den i horisonten heile dag 1. Vi gledde oss til å komme dit og trødde på! Mykje fin sykling på grusvegar i landbruksområda.


Inni Pals, bokstavleg talt.
Bymurar frå 400-talet, gotiske kvartal og romanske tårn frå påfølgjande århundrer. Og passeleg turistifisert, slik at det gjekk an å få seg ein god lunsj og verdas beste mojito.

Herleg å vere sykkelturist i Katalonia!

Utover dagen vart det mindre middelalder og meir landbruk. Velaug burde nesten fått betalt denne dagen. Det var spennande å sjå alt dei dyrka i dette området.

Fruktgard.
Eg såg mykje mandarin-, clementin- og pæreplantasjar, og ein haug med frukttre som eg ikkje hadde peiling på kva kunne være.

Innimellom sykla vi gjennom idylliske skogholt med oliventre og mandeltre (og sikkert ein haug med andre uidentifiserte treslag og).

Overalt var det kornåkrar; mais, bygg, havre, kveite. Dagens (landbruks)høgdepunkt var likevel då vi kom hit:

Rismark!

Vi var nesten heilt sikre på at dagsetappa skulle ende ved foten av fjellet. På toppen låg det ei borg. For å komme dit så måtte vi sykle gjennom våronn i rismarkbeltet. Det vil seie kontrollert flom.

Meir eller mindre traktorvegar skilte dei ulike parsellane

Eldgamle traktorar (Ford 2000) stod og køyrde pumper som førte vatn frå kanalar inn på rismarkene.

Mellom rismarkene var det ein sinnrikt system av kanalar og små høgdeskilnader. Nokre stader var det kraner og ventilar som stengde, andre stader var det samanballa gjødselsekkar som vart nytta som damstengsel. Fura, alvorlege menn plaska rundt i med gummistøvlar langs kantane og diskuterte med leirklumpar i nevane. Dei løfta ikkje på eit augnebryn av norske damer på sykkel.

Rismarksystem.

Skikkeleg kult å sykle i rismarkene.

Området her var i tillegg til rismarker verna som våtmarksområde og eit verdifullt fugleområde. Fleire brikker falt på plass, mellom anna kvifor paella er "nasjonalrett" her.

Endå fleire brikker fell på plass: Elva Ter som fraktar vatn frå isbrear i Pyreneane 2400 moh til dei grøderike områda og rismarkene her.

No var vi framme i Torroella de Montgri etter ein lang og innhaldsrik dag. Nok ein gong vart vi overraska over hotellet; Muli del Mig. Det viste seg å vere ei ombygd mølle (kveitemjøl) som var innreia 100% gjennomført moderne og minimalistisk med gjennomgåande fokus på økologi. Vi køyrde ei slapp økt i hagen før vi sykla inn til byen på sightseeing og lada opp til det som skulle vise seg å verte ein svært god middag på hotellet.

Luksus på Moli del Mig

Dei to første dagane:
Sykling dag 1: 50 km, effektiv sykkeltid 4 timar
Sykling dag 2: 41 km, effektiv sykkeltid 3 timar og 10 min
 

mandag 13. mai 2013

Søndagspadling på Vigra

Padlesesongen er i gang når det begynner å verte varmt i tørrdrakta, og vi fer på tur utan anna mål og meining enn leik og moro. Kenneth har klart å rive av akillesen og går med ortrose (monsterskinne) så det låg i korta at vi skulle ta det litt roleg. Vergudane meinte tydelegvis det same, så det var vindstille og minimalt med dønning. Nøye testing forrige helg hadde bevist at det var greit å komme seg ut av kajakken med skinna på, så då var det berre å dure på.

Jason scullar

Blimsanden såg ut som syden. Sandbotnen gjev knall turkis sjø på grunna mot blått hav lenger ute. Dei grøne bøane på Vigra bølga seg mot snødekte Sunnmørsfjell lenger inne. Vakkert.

Gutane har prioritert bassengtrening i vinter, og det var lett å sjå. Dei hadde blitt kjempeflinke til rulling, sculling og teknikk, og det såg ut som kajakkane var ein integrert del av kroppen. Det er lenge sidan vi har padla i lag, så artig å sjå så bra utvikling så tydeleg. Og endå er vi litt rustne i starten av sommarsesongen. Neste vinter SKAL eg prioritere hardare og vere meir i bassenget ser eg.. 

Stake nr 1

Det var lite kraft i sjøen, så her måtte ein leike seg med den rørsla som var. Det var vanskeleg å finne mønster i bølgjene på grunnene, dei braut meir rundt enn rett på. God trening likevel, og ein fin sesongstart!

Kenneth gjer maks ut av forholda

Nokon har mindre respekt for stein enn andre, og eit større forbruk av gelcoat og KeelEasy..

Første økta vart brukt på strekninga Blimsanden - Synnes tur retur med lunsj på stranda. Praktisk når nokon treng krykker for å humpe på land. Lisbeth og ungane var på krabbefisketur, så då vart det ein kjekk felles rast. Ungane vassa barbeint medan vi såg ut som romvesen med ull, tørrdrakt og hette.. Etter lunsj for vi ut andre vegen og ein liten runde. Floa var på det høgaste og sjøen roleg, så det vart meir tur enn surf denne dagen.

Tur!

Det er fantastisk å ha dette området som "heimebane" ca 10 minutt unna med bil.
Vi padla vel ca 13 km med mange innlagde surf og øvingsstopp. Eg rulla 5 gonger på rad med glans på godsida. Klar framgong frå i fjor! Snart klar for å ta fatt på "vrangsida". Jason rulla vel ca 50 gonger på begge sider i alle variantar. Det forklarar vel litt når det gjeld skilnad i lærekurva og ;) 

Dagens ord:
Internasjonal - engelsk - norsk
Gelcoat - The Sacrificial Layer -Offerlaget

fredag 10. mai 2013

Mai-telting i Herøy

Mai er ei herleg tid. Lyse kveldar og ein haug med raude dagar på kalenderen. Nokre stikkord for onsdagen: Grytidleg opp for å finne telt/og padleutstyr i eit halvoppakka flyttelass, full dag på jobb, stresse avgarde for å rekke ferja, det er faktisk 20 - TJUE-grader ute, oppsann er det SÅÅÅÅ lang kø her??, ikkje komme med den ferja som ein faktisk rakk med god margin, kompensere venting med årets første softis, møte med HKK-gjengen om padlesamling og SÅ ENDELEG:

Framleis 20 grader - padling mot solnedgangen og Herøy gard

Museumsstyrar og guide på Herøy gard stod tilfeldigvis på kaia og losa oss til bra teltplass på nordsida. Det er flott tilrettelagt for telting midt inne på øya. Passar bra, sidan Sygni driv "faktisk forskning" på teltturtur og pakking for tida, og eg er i innspurten av telt-prosjektet.


Eggebøneset m.m by night. Litt mørkt etter midtnatt er det framleis.

Grilling og middag på eit svaberg. Sommarskumring. Drøs og prat. Ingen kjente alle, men alle kjente nokon. Det er kjekt å fare på tur med nye folk, dei har andre vanar (og nokre lure triks eg kan plukke med meg) og nye historier. Men det er litt slitsomt og, for ein må jo skjerpe seg litt. Det har eg vel berre godt av. Karane imponerte med grilling av biff, heimøl og heimelaga kake. Vi kvinnfolka køyrde meir minimalistisk med nokre brødskiver og Real.. (Note to self: La alltid karane få ordne med maten..)

Morgonstund på Herøya

Det regna på teltet. Vi hadde ikkje avtalt noko tidspunkt for frukost eller avreise og det var deileg å ligge og dra seg litt..


Basecamp. Kult med masse telt.

Sygni er estetikar og litt oppteken av at ting "matchar" - og no har ho pinadø turkjøkkensett i LILLA og!

Kreativ løysing på "har faktisk berre våte neoprensko"-problem
Pakkpose på 4 liter er ein perfekt str 38 innersokk i følge Ragnhild.

 
Mot Eggebøneset - by day

Endeleg på sjøen! 

Debatt rundt ruteval og leia og slikt høyrer med. Men når leia er tom og havet er flatt så er det liksom ikkje heilt krise uansett. Vi sendte litt medkjensle til Oslofjordpadlarane og Ragnhild fortalte om sommarpadletur langs svenskekysten. Og vips var vi ute ved Flåvær. 

Den gamle handelsstaden på Flåvær

På sjøbua var det fullt av folk i gong med våropprydding og vi vart invitert inn for å kikke. Det var skikkeleg spennade. Bua er gedigen, og eigd kollektivt av 10 søskenbarn. Vi fekk høyre om utfordringar og moglegheiter av 3.- og 4. generasjonas buaeigarar. Sjøbuda kan leigast til selskap, har langbord i 1. og 2 etasje og museum i tredje. Her var det post, butikk, telefonsentral, bank. Mellommetasjen vart kalla "Pinebenken". Fiskarar og andre sjøfarande låg her og venta på bør og overnatta på ubestemt tid for å komme seg rundt Stad'en i gamle dagar.   

Resten av Flåvær (med hus på) og Skorpa (bakerst) sett frå bualoftet

Flåvær fyr. Sist vi var her såg vi tydeleg skadane etter "Dagmar". Kjekt å sjå at reperasjon og vedlikehald er godt i gang. Gangbrua ut til fyret var og sett i stand att.

Vi gjekk i land på holmen innanfor fyret på nordaustsida for lunsj og beinstrekk

Ærfugl

Det var mykje fugl; ærfugl, måse, gås og andre sjøfuglar som var litt vanskeleg å identifisere (utan linser). Nise såg vi og fleire gonger på turen, sjølv om det truleg var dei same dyra. 
Idar tykte ikkje det var kjekt når gåsa letta og flaug unna - Eg kjenner meg nesten som ein kriminell som forstyrrar dei, seier han. Vi var ikkje i nærleiken av noko grønne strekar eller freda område denne dagen.

Farvel Flåvær

Alle bytta årer med kvarandre i løpet av turen. Det å teste ulike lengder og blad i praksis gjev nokre a-ha opplevingar. Eit langvarig byttelån og minst eit kjøp vart avtalt undervegs.

Havblikk innover att. Spegling i sjøen. ikkje ein vindpust.

Dobbel Ragnhild

Tilbake ved brygga vart det rulle. Ragnhild rulla. Ei rulle på meg. Med grønnlandsåre. Kom meg greit opp sjølv om teknikken var så som så. Sigve hoppa i det og gjorde sitt første rulleforsøk i iskald vårsjø med våtdrakt! God bevegelse på kajakken, vippa den heilt opp og kom seg nesten heilt fint opp sjølv. Ein kveld i litt varmare sjø og han har nok rulla inne.

Takk for turen! :)

Turen vart totalt 15 km

Eg avslutta dagen hos Tor Inge. Dyrt, men veldig kjekt der og. Som vanleg når eg har vore på Flåvær bomma eg på ferja og vart ståande på Hareid i 59,5 min. Godt gjort når ferja går ein gong i timen.