Trilletur til Høgsteinen fyr

Laurdag 8.februar. Trude og eg avtalte trilletur. Kvar er det sol, veg og lite bilar? Vi enda som vanleg på Godøya. Vi parkerte ved Spar-butikken og gjekk utover mot Gjuv. Nydeleg!

Høgsteinen fyr - fyret på bondelandet frå denne vinkelen. Her skal vi ned etterpå.

Kul apeskrekk

Trillings på Gjuv. Sukkertoppen bak.

Laura held heilt stilt så lenge det er full fart på vogna.

Elg i solnedgang.

Eilifrøysa. 

Gravrøys frå yngre romartid, ca 350-400 e.Kr. Dette var vist bokstavleg talt ein gullalder på Sunnmøre, og det vart funne gjenstandar frå kontinentet av både gull og bronse i grava. Diameteren på røysa er ca 40 meter og ho er ca 10 meter høg. Han var nok ein retteleg storkar han Eilifen. 

Teambilde og kaffi. Kjekt med rast i februar! Dette var ein skikkeleg vårdag, kunne nesten vore april.

Hareidlandet til venstre, Herøy i midten med Remøy og Runde og Gødøya i høgre kant. Fin utsikt til kaffien!

Freda Høgsteinen fyr frå 1857 - fredelege Laura frå september 2013

Høgsteinen fyr er eit skikkeleg Kardemommebytårn på 11 meter. Det er fin gangveg ned til fyret, og ein finfin tur med barnevogn. 

Tidleg krøkast...