onsdag 23. april 2014

Klassisk påsketur til Bessvatnet

15.04. Siste dag i Jotunheimen. Siste dag på ski i påska?

Nydeleg dag i Gjendeosen. Starten på Sjoa det her. 

Dagens oppoverbakke - mot Bessvatnet. Nydeleg dag, men iskald vind. 

Eg venta på ny utsikt og ny utsikt, men den kom aldri. For kvar bauting flytta snøkanten seg litt meir opp mot horisonten.

Nøgd påsketurist 1 og 2 

Ny utsikt! Endeleg! Ved Bessvatnet og mot Besshøe (2258 moh) bak der.

Bessvatnet denne dagen var omlag like triveleg som Nordpolen. Iskald vind. Så vi snudde nasen nedover att. Med fellene på. 

Sastrugi

 Heile lia var som som ein stor snøskulptur. Sastrugi heiter slik vinderodert snø. Lekkert å sjå til, men ikkje akkurat grunnlag for skiglede. Vi var effektive og uelegante og kom oss så langt ned i lia at vi fekk livd. 

Kongesofa i påskesola. Sola beit og fregnene poppa ut. Det var heitt og godt i lia. 

Utsikta frå sofaen. Sikkilsdalen der borte. Eg hadde eigentleg tenkt meg bort til dei kongelege der i dalen for å snikfotografere til royalistane heime. Det vart med tanken denne gongen.

Etter ca ein halv time hadde vi ete, snopa, prata og heldt på å kjede oss skvett i hjel.

Klar, ferdig og HOPP!!

Therese fiksa det med ein gong. Eg skulle vere litt kreativ og prøve å lage eit "sittande" hopp. Det er svært sjeldan at landingsforholda er slik at ein vil prøve på det. Det viste seg at eg overvurdere magemuskane og undervurderte tyngda av skisko. Kraftig feilvurdering. Det vart ikkje så kul positur, akkurat. Prosjekt "sittande påskehopp" er utsett på ubestemt tid, og eg berga dagen med eit klassisk "hopp og vri - flyge over byen"-HOPP. Greit nok. 

Hei og hopp! Førsøk på nytenking til venstre - "sitttande påskehopp" må jobbast vidare med. Reddar dagen med ein klassikar til høgre (Begge foto: Therese Moe Øye).

Turen på kart.
 Ca 9-10 km og 400 høgdemeter.

Strålande påskeferie - og enda mesteparten av påska framom oss! 
Vi runda av med sportsbutikkhopping og bollar på Lom og kom oss vel heim. 

Takk for turen!

1 kommentar: