søndag 24. januar 2016

Trugetur til Ryten (543 moh)

23.01 Mange har snakka om Ryten i det siste, så det var artig at Per hadde blinka seg ut akkurat den på laurdag. I bilen var det utstyr for det meste, elle melle og truger frå start. Tung, våt snø og gjennomslag sjølv med truger. Vi gjekk frå Bergland.
 
Start på Bergland og sola i ryggen oppover bakkane.
 
I skaret og utsikt mot Vesterålen
 
Vi gjekk med truger ca halvvegs, så la vi dei i frå oss. Det var hard snø og fint med broddar i 150 høgdemeter. Dei siste 100 høgdemetrane er det tyngste eg har gått på lang tid. Tynn skare, med 5- 45 cm sukkersnø under og is i botnen. Først gjekk ein gjennom skara, deretter sankt foten ned i 2-3 omgangar til snøen nådde knea og vel så. I tillegg fekk broddane aldri skikkeleg feste i botnen. Som å gå med bakglatte ski, berre utan ski. Den som gjev seg er ein dritt. Ikkje turglede og utsikt akkurat dei metrane der. Det var tanken på toddy og matpakke, å nå fram til neste stein, og å i det heile overleve 3 skritt til som stod i hovudet.

TOPPEN!
 
Som vanleg er det verdt det. 180 grader hav, 180 grader alpine fjell. Pastellfargar og gyldne solstreif.

Mot nord-ish
 
Sørover
 
Vestfjorden og fastlandet langt bak der
 
Kvalvika rett ned. RETT NED faktisk..
 
Rått!! Fine surfebølger. 

Panorama fra Ryten - Flakstadøya og Moskenesøya

Flakstadøy-fjella rett i mot på veg heim.
 
Det er mykje lettare å gå nedoverbakke og vi var smartare i vegvalet. Det var godt med trugane på siste delen. Nok ein herleg dag på fjellet! (Lærdom: Ta alltid trugene med heile vegen!!) No håpar eg berre mildveret får bearbeide all snøen. Det er ikkje noko særleg om skisesongen startar med den lagdelinga der i botnen.
 
 
På køyreturen heim kom fullmånen opp og det var magisk og fantastisk og nydeleg!!

Fullmåne over Gimsøya (Hoven til venstre)

Glomtinden på ski (419 moh)

21.01 Ingrid freista med skitur over morgonkaffien. Potensielt siste dagen med snøforhold på lenge! Glomtinden er ein lett, trygg og enkel tur! I full fart etter jobb vart det pakking av ski og feller og halvhjarta skraping av sommarens gule varmvoks. Resultatet var at eg gløymte sekken heime.
Jaja.

Den første kilometeren kunne vi gå utan lys innover vegen. Sjølv om det var overskya var det på ein måte måneskin gjennom skydekket likevel. Oppover ryggen vart det kald vind og rimeleg arktiske forhold ei stund. Skiføret var ikkje noko å skryte av heller. Lite snø, berg og fonner. Siste toppstuntet måtte vi ta til fots, sjølv om det var snø i masssevis. Bratt og tungt, så vi var godt nøgde med å komme heilt opp.
Toppen!

Skikkeleg fornøgd med oss sjølve!
 
Vi tek dalen ned i staden for ryggen, for å få betre snøforhold, tenkte vi. Det var brukbart ned dei første 100 høgdemetrane, deretter vart det tettare med skog for kvar sving. Laussnø, stålkantar mot stein og ur og etterkvart skog. Meir skog. Tettare skog. Vi gav aldri opp, fekk brukt musklar vi ikkje viste at vi hadde og var sannsynligvis dei første og siste som tok akkurat denne vegen ned.... Langt om lenge og etter å ha forsert ein granfelt kom vi inn på vegen akkurat der vi hadde tenkt, og fekk stake ned gamlevegen til bilen.
 
I etterpåklokskapens teikn hadde det kanskje vore raskare å gå med skia på sekken ned ryggen same veg som vi kom. Klart minneverdig tur, med både banning og fliring! (Eg rakk akkurat torsdagspuben etterpå) Håpar det vert meir ski, hovudlykt og snø utover våren!
 
 
Der var vi altså - foto frå laurdagen etter
 
 

onsdag 20. januar 2016

Månelyst på Hoven (368 moh)

19.01 Motivert for tur i kveld? SMS-en tikkar inn etter lunsj. Eg er alltid motivert for tur! Litt puddersnø, mange minusgrader, blå nattehimmel, stjerneklart. Det låg an til ein flott kveldstur.

Vi sette kursen mot Hov og golfbanen og gjekk opp derifrå. Kjekt med kjentfolk som veit vegen, og veldig kjekt med ein kveldstur att. Det var så sterkt måneskin at vi aldri skrudde på lyktene som vi hadde med.

Eventyrleg på toppen!

 

Vinje by night
 
Hoven er landemerke, og toppen er ein grei tur med eit imponerande rundskue!! Hit skal eg att med sovepose til sommaren og få med meg både solnedgang og soloppgang. Dessutan må eg kanskje opp att i vinter - om det vert ein flammande nordlyskveld.

tirsdag 19. januar 2016

Kroktinden (707 moh)

17.01 Det vart i kaldaste laget for padling, så plan B vart søndagstur til Kroktinden. Nydeleg boknafisk i godt lag kvelden før, i kombinasjon med ein greit lag nysnø, gav meg ein seig start på turen. Start ved gravplassen i Sydalen, innover ein traktorveg og opp bakken til skaret med kraftlinjene. Vi runda Litlsydalstinden og gjekk opp dalen. Deretter ryggen til venstre som vi følgde rundt og opp til toppen. I dalen og botnen var det mykje snø, og det freista med ski. Kul topp, enkel tur og rå utsikt!

Sydalen og Gimsøya bakerst

Sydalsskaret med kraftlinja

Morgonsola streifa toppane i Vesterålen. Øyriket ved Sunnlandsfjorden rett ned.

Hard økt, men endeleg på siste ryggen!

Kroktinden

Dagens del av "Kroken" - toppstøtet att

Flott utsikt mot resten av "Kroken"

Månelys over ville fjell

Stetind eller Hamarøyskaftet i horisonten?

Sola krydrar dei villaste toppane på Austvågøya - Higravtindan, Geitgaljen m.fl
 
Grei lunsjutsikt, og heilt vindstille på toppen. Bikkjekaldt, og ned mot -10, så det vart kjapp lunsj.

Tøff i pysjamas, men endå tøffare med stegjarn!!

Skikkeleg kule toppar!! Kroktinden ber namnet sitt godt!

På heimveg.
 
Kjempefin tur! Slike søndagar gjev mykje energi!

mandag 11. januar 2016

Skolmen (582 moh)

10.01 Eg fekk tilbod om søndagstur på Skolmen, og slike tilbod må ein berre ta i mot med opne armar. Sjølv om skrotten protesterte litt om morgonen og dyna var varm og god. Startpunkt Unstad - sagnomsust surfestad - der har eg heller aldri vore før.

Unstad var på mange måtar veldig likt Hoddevika. Eg ser potensiale med kajakk på ein litt varmare dag. Surfarane låg allereie uti, men ingen av oss var misunnelege på dei.

Bakerst til høgre dagens mål. Is på vatnet og ei lett etappe innover

Nesten Fræna-landskap. Stranda på Unstad i bukta der nede.
 
Det som såg uframkommeleg ut opna seg. Opp og fram!


Nydelig utsikt mot nordaust og Skrådalstinden.
 
Då vi møtte snøen var det på med stegjarn. Det var bratt og eg var glad for isøksa. På kanten var det som å gå inn i eit eventyr! 

Frå skuggedalar til Soria Moria! Nappstraumen og Flakstadøy

Ryggen vidare mot Skolmen
 
Ryggen var grei å gå, men eg kjente litt på høgdekjensla og måtte konsentrere meg for å ikkje snuble eller tulle det til med stegjarna. Då er det veldig kjekt å gå i lag med trivelege folk, som gjev tips og råd og er tydelege på vegval og tryggleik.
 
Vidare mot Medskolmen.
 
Vi gjekk utover mot Medskolmen. Det vart litt plundrete og klokka gjekk frå oss. I staden for å dele oss gjekk alle tilbake. Eg hadde vel uansett møtt mi grense for dagen. Hit må eg opp att på sommaren, det er berre heilt sikkert!!

Basecamp Skolmen - brukbar lunsjutsikt.

Midt på dagen - sola i sør.
 
Kvalitetstid!
 

 
Ryggen ned på heimveg

Farvel til sola for i dag

Heimveg
 
Returen gjekk greiare enn frykta, og eg vert tryggare på utstyret etterkvart. Skal sjå det vert fleire turar med stegjarn utover.
Fantastisk dag, flott tur og fine folk å ture med. Betre vert det ikkje. Lofoten innfrir!
 
Takk for turen!! :)
 
 
Hugselapp: 1 time og 5 minutt køyring til Unstad

søndag 10. januar 2016

Håtinden (649 moh)

09.01 Nytt år og nye turmoglegheiter! Eg har forflytta meg til Lofoten og sjekka Lofoten Turlag på FB. Tur på laurdag? Det passa bra - med ny jobb og hovudet fullt av ny og spennande informasjon treng ein litt frisk luft!

Morgonstund har gull i munn. Starta med sightseeing på Finneset (Kabelvåg) med bilen på tomgang for å få smelta fram vindauga. - 10 grader og det har det vore lenge!  
 
Det var 12 stk på parkeringa og god stemning trass minusgrader. Vi la i veg oppover lia, og etterkvart vart det varme i fingrane og tærne.
 
Etter første kneika fekk vi eit godt blikk mot toppen av Håtinden

Vågakallen vis a vi over fjorden. Rå siluett i morgontimane.

 
Det var greie motbakkar med broddar og etter kvart stegjarn. Toppen hadde ei aldeles strålande utsikt til alle kantar!
 
Mot Hov på Gimsøya

Kjempenøgd! Sola snik seg såvidt over horisonten.

Lunsj og soltilbeding. Det gjer så godt desse solstrålane.

Godt skodd. Nøgd med dei nye stegjarna. Ser ut til at eg får bruk for dei framover og!

Retur over kvite vidder og inn i blåtimen.
 
Magisk lys her nord!
 
 
Eg ser fram til fleire turar med Lofoten turlag - aktiv og triveleg gjeng!