tirsdag 28. november 2017

Novemberrulle 2017

28.11.17 Rulla satt ikkje heilt under kvalpadlinga tidlegare i november. Omlag samstundes kom eit hardt spark og ei utfordring frå nord. Kombinasjonen gjorde at eg manna meg opp og testa solorulling på Valderøya. Eg har i grunn ikkje drive med noo særleg solorulling, så det var litt skummelt i seg sjølv. Månadsrullinga det neste året er per def gjennomført om eg har rulla på "vrangsida" (ned på høgre side, opp på venstre)

Plask - her går det kontrollert gale på gosida

Fint opp att - faktisk med hovudet til slutt!

Dårleg lys og dårleg rulle - men kom opp
 
Nyrulla! 

Prikken over i-en var dei flotte anemonene i strandkanten som gjorde seg lekre. 






mandag 20. november 2017

Vinterpadling med eit hint av kval

17.-19. november 2017
Kvalen heldt seg framleis ved Skjervøy, så vi omorganiserte heile opplegget vårt. Jarle og Trude kom med hurtigruta om kvelden medan vi andre fekk med oss Lyngsalpane i soloppgang frå bilen.

Skjervøy sentrum. Kul plass. Tettbygd samfunn i ingenmannsland. 

Mildrid spenna klar! 
 
Nokre av fiskarane var allereie på veg inn. 

Vakkert!



Teambilde!

Pastellpadling (Foto: Mildrid)
 
Omringa av spekkhoggarar i blåtimen på veg inn att. (Foto: Mildrid)
Den siste spekkhoggaren vart med inn i hamnebassenget. 

Fredagen: Vi padla 16 km, og såg ca 20 spekkhoggarar og 10 knølar.  Ein stor sprettspekkis som hoppa 2-3 gonger. Masse unge dyr som og hoppa og spratt litt. Vi traff og på knøl og spekkhoggarar i mørket, som var ei stor oppleving. 

3 vart til 5 på laurdagen! Flokkpadling er kjekt. 

Vi såg 3 knølkvalar på lang avstand, så kvalmessig var det langt under forventningane. Då er det bra at det sosiale og padlemessige held mål. Vi fekk synfart haukøya grundig og gjorde strandhogg med bål i Lille Taskeby. Ikkje veldig mange fine plassar å gå i land her ute.  



Besøk av fleire Tromsø-padlarar. Fantastiske pastellfargar utover dagen!

Blåtimepadling på heimveg. Vakkert. 

Teambilde! Vi let ikkje mangel på kval øydelegge stemninga. (Foto: Mildrid)

Red light paddling (Foto: Mildrid)

Skjervøy blenka som ein juvel i skumringa. Julepynt i vinterkledd landskap.

Søndag: Ny moglegheit på ny plass. Vi la ut frå Taskeby og held oss i Maursundet og midtfjords mot Molvik. Vind og fjordbølgjer og lite kval. Vi bestemte oss etterkvart for å prioiritere båling og gamla på at det gjekk å komme i land i Sæterbukta. 

Taskebystranda

Mildrid i Maursundet

Seglbåt med kvalsafarifolk. 
Sympatisk at det er fleire som prioriterer stille og sein framdrift...

Sætrebukta. Vi kom i land. (men eg kolva då vi skulle ut att..)
  
Grunneigaren var og på hytta denne dagen, og vi fekk låne bålplassen

Bjørn Tore fiksa bål før vi fekk snudd oss rundt. 

Fin solnedgang denne dagen og! (Foto: Mildrid)

Sidan eg allereie var blitt våt, og rulleutfordra av Marian, var det like greit å rulle. Godsida gjekk greit, men vrangsida var vrang, og det vart bading og redning. Det ER lurt å øve med dei kleda og i dei forholda ein faktisk padlar. Note to self: 3 lag ull, og mykje stæsj i vesten gjev både god oppdrift og lite bøyelegheit. Og for meg er rulling og vasstilvenning ferskvare. 

Eg vert redda (Foto: Mildrid)

Fantastisk solnedgang sette eit verdig punktum for kvalpadlina 2018. Eller som Jarle så treffande sa det: - Vinterpadling med eit hint av kval! Søndagen padla vi 11 km, og såg  to knøl frå land før vi la ut og elles spegghoggar på lang avstand.

#romantisk <3 finefolk="" nbsp="" p="">

torsdag 16. november 2017

Holkeføre til Fjellheisa i Tromsø (421 moh)

16.11.17 Mildrid og eg testa sherpatrappa i Tromsø. Det var skikkeleg urutinert av oss å ikkje ha med broddar, for under snøen låg det speglblank is. Vi datt fleire gonger begge to, ikkje veldig elegant, men vi brakk heldigvis ikkje noko. Trappene var fine, lyset magisk og utsikta kunne vi heller ikkje klage på. Luftetur i november gjer godt!




Tromsdalstind

Turistar

Tromsø frå Fjellheisa 

søndag 12. november 2017

Kvalpadling 2017

11.-12. november
2017 er femte året på rad at eg fer nordover til Troms i november. Desse fridagane gler eg meg til gjennom heile hausten, sjølv om det er eit høgt usikkert prosjekt: Vert det ver? Vert det kval? I år hadde silda bestemt seg for å trekke inn lenger nord. Brått var det Skjervøy vi måtte fokusere på. Det vart straks litt meir kronglete logistikk. Nytt landskap, og mange ukjente faktorar. Kvænangen er ope og verhardt.

Velkomst med nytt dørskilt hos Kristin

Gammalt jungelord: Han som skal på kvalpadling må tidleg opp. Det betyr og at ein får med seg soloppgangar og lysfest.

Lyngenfjorden - framleis grytidleg

På Skjervøy møtte vi eit par lokale padlarar, og la ut frå småbåthamna. 

Vakkert! - lite visste vi at dette skulle verte leikegrinda vår i dagesvis

All slags folk ute etter sild og kval

Kameraet og glisa er på plass - kvalsesongen 2017 offisielt opna!! 

Vi starta dagen med spekkhoggarsafari





På ettermiddagen kom kvaltoget! 
30-35 knølkvalar kom ut fjorden og jaga forbi oss. Eg har aldri sett så mange på ein gong!

Nydeleg himmel! Det vart skymt i to-halv tre tida, og ganske mørkt før vi var tilbake. Skjervøy var heldigvis lett å finne i mørket. 

Søndagen starta vi tidlegare, og hadde ambisjonar om beinstrekk på Haukøya

Bjørn Tore traff kjentfolk på sjøen, og vi fritta etter kval. 

Soloppgang!

Det var lite kval å sjå, berre nokre blåst og ein finne i horisonten. Vi padla jamnt og trutt ut til Haukøya. Det var berre å konstatere at padleforma var litt rusten. På sørsida var det rullesteinsstrand og greit å komme seg i land. Fine hytter, og pinnkaldt. Rimfrosten låg tjukk. Eg vart entusiastisk då to-tre knølkval seig gjennom sundet, men det var alt vi fekk sjå under lunsjen.

Haukøya sørside mot Skjervøy og Kågen

Båling og beinstrekk - downtown Haukøya.

Lysfest på heimvegen, himmel og horisont baud på seg sjølv denne dagen. Vi traff ein stor flokk knøl (15-20 stk) på veg utover, på same stad som dagen før.


Pastellfest!

Månen går ned bak Skjervøy

Det vart mørk før vi kom inn att. 

Kva hadde vi lært? Skjervøy og Kvænangen er eit vakkert område. Det er alltid dønning frå havet her, og vi vert lurt av avstandane. Det er for langt å padle over fjordane eller å posisjonere oss i høve kvalen. Strategien vert difor å satse 100% på at kvalen treff oss. Det er få stader å gå i land, og store kryssingar. Utfordrane for kvalpadling, og vi fekk litt å tenke på. Opplevd vind var konsekvent mykje lågare enn meldinga på yr (meldinga 7-8 m/s frå sør/søraust - opplevd vind 2-4 m/s frå sør/søraust)

Dag 1 - 14 km padling Skjervøy og diverse snirkling i området mellom Hekksteinen og Haukøya
Dag 2 - 24 km padling Skjervøy - Haukøya tur/retur
(Distanse på GPS-en til Bjørn Tore)